منار الإسلام
موقع تربوي تعليمي أكاديمي

ليام الزينة (قصيدة زجلية)

ليام الزينة (قصيدة زجلية)/ شعيب البطار

0

ليام الزينة (قصيدة زجلية)

بقلم: شعيب البطار

ليام الزينة فين هيا
أسيدي فين ركوب الخيل
لاتزيدوا ما بيا
تبدلت لحوال وضاق الحال
……
فين الخاوا وناس زمان ؟
فين لمحبة فين الحنان
يا كنا وردة في جنان
كنا خاوا كنا جيران
…….
كانت صربة مورا صربة
كانت الصابة والخير كثير
كانت لامة فيها طلبة
كانت النية والقلب كبير
…….
.
كانت طامو كانت شامة
كانت خبزة فيها كامة
البركة والخير يشيط
فينكم أ يا اصحاب الحال ؟
……
فين عيالات وفين رجال
فين الكلمة فين الشان
ياك غابوا مدة وشحال
النية دارت جنحان .
……
فين الماية ونغمة لوتار
فين اللمة والناس لخيار
فين الالة وفين الملحون
فين القصيدة ولكلام الموزون
….
كانت جدة تروي حجاية
تحكي هاينة والقاضي بومفتاح
وفي الاذاعة كل يوم حكاية
تفيد الصانع والفلاح .
….
السلهام يشالي بلا كمام
الشربيل والحنة في لڴدام
واللبغة والجلابة
والشربيل وحايك ولثام
ولون الحنة يشالي بسلام
……
فين القلم فين الدواية
ولاد اليوم دارو ڴطاية
والواد لي جا يديهم
ولي نصحتو يقطع لغايا
…..
واللبغة والجلابة
والشربيل وحايك ولثام
ولون الحنة يشالي بسلام
……
فين القلم فين الدواية
ولاد اليوم دارو ليام الزينة
ليام الزينة فين هيا
أسيدي فين ركوب الخيل
لاتزيدوا ما بيا
تبدلت لحوال وضاق الحال
……
فين الخاوا وناس زمان ؟
فين لمحبة فين الحنان
يا كنا وردة في جنان
كنا خاوا كنا جيران
…….
كانت صربة مورا صربة
كانت الصابة والخير كثير
كانت لامة فيها طلبة
كانت النية والقلب كبير
…….
.
كانت طامو كانت شامة
كانت خبزة فيها كامة
البركة والخير يشيط
فينكم أ يا اصحاب الحال ؟
……
فين عيالات وفين رجال
فين الكلمة فين الشان
ياك غابوا مدة وشحال
النية دارت جنحان .
……
فين الماية ونغمة لوتار
فين اللمة والناس لخيار
فين الالة وفين الملحون
فين القصيدة ولكلام الموزون
….
كانت جدة تروي حجاية
تحكي هاينة والقاضي بومفتاح
وفي الاذاعة كل يوم حكاية
تفيد الصانع والفلاح .
….
السلهام يشالي بلا كمام
الشربيل والحنة في لڴدام
واللبغة والجلابة
والشربيل وحايك ولثام
ولون الحنة يشالي بسلام
……
فين القلم فين الدواية
ولاد اليوم دارو ڴطاية
والواد لي جا يديهم
ولي نصحتو يقطع لغايا

…..

اترك رد

لن يتم نشر عنوان بريدك الإلكتروني.