منار الإسلام
موقع تربوي تعليمي أكاديمي

حديث التلة (زجل مغربي)

عبد القادر سدراوي

0

في بلادي مات الضمير
ؤ مول لعقل اتلف
في بلادي تحگر الفقير
ؤ اللي غلب ما بغى يعف
حتى من لمقدم ولى خبير
في تفراق الاحتجاح بالعنف
اتجاوز علامات التشوير
الشمالات ؤ برجلو يقدف
هذا حقد ما عندو تبرير
فی بلادي الأستاذ یتعنف
والأستاذة يتحرش بها الحقير
سالت دموعها ؤ ما ابغات تنشف
قدام الكاميرا والات التصوير
لمقدم يجري ؤ يشتف
فينك اسي لوزير
هاذ المرض دخلاني ما بغى يخف
فين الطبيب النفسي يعطينا التفسير
اتبدل البندير بالدف
في بلادي السياسة غادية بالتنوعير
والاحزاب ولاو في نفس الحلف
ملی طالبنا بالتغيير
كلاو البنان ؤ زلگونا بالجلف

اترك رد

لن يتم نشر عنوان بريدك الإلكتروني.