نعق لغراب وسط الطير
ؤ قال اللي فات العش يتكتف
النسر عقلو حاير
ؤ الجناح ريشو خف
قال علاش ما نطير
هذا اش كيخرف
السما واسع ؤ كبير
وانا نطير وحدي مطرف
سمعوه طيور الخير
ؤ موكة كانت لولد احدية تنگف
هذا كلام خطير
ؤ مولا خاصو يتعرف
في الغابة قل الزئير
ؤ كلام السبع يتحرف
الذيب غدار ؤ شرير
عالفريسة مولف
الذيب صياد ؤ خبير
عالقطيع امسيف
ااقطيع صبيبير
دخل للزريبة ؤ وقف
جاع منو لكثير
محاصر بلا علف
الزريبة صغيرة والقطيع كبير
ؤ ولاد الذيبة تفرس ؤ تجيف
