منار الإسلام
موقع تربوي تعليمي أكاديمي

حديث الثلة (3) .. ويتواصل الحكي (زجل مغربي)

عبد القادر سدراوي

0

في بلادي دهن السير يسير
ؤ كلشي باغي يخطف
هما يتفرشو لحرير
ؤ احنا ريشنا يتنتف
المحرك سيطرت عليه لحمير
ؤ الخيل طوالها تكرف
لبغال غارت من لحمير
ؤ بدات تركل ؤ تشتف
في بلادي الذيب شاد البندير
ؤ الكلب يرد الإيقاع بالدف
المسكين سدو عليه بحال لفوير
ؤ الزمان عليه سرف

اترك رد

لن يتم نشر عنوان بريدك الإلكتروني.