منار الإسلام
موقع تربوي تعليمي أكاديمي

قلوب الحنان قلالت (زجل مغربي)

عزيز بنسحنون

0

قلوب الحنان قلالت
الضمير اتوسخ والفكرة ماتت
شفت ريوس الشباب شابت
والدمعة على خدودهم سالت
البلاد كانت تحلم واليوم فاقت
مشاكل كثيرة واجهت
ناس بالكثرة هاجرت
ومنازل مهجورة رابت
عليهم سولت وسالت
بغات تعرف السبب
اللي خلا سكانها غامرت
وعلاش للموت برجليها زادت
من البحر وامواجو ماخافت….
لقات حكامها طغات وسابت
لي شاد شي منصب فيه تابث
دارو مابغاو في الشعب الصامت
ناس تكلمت على حقها
للسجن داوها زارت
عبرت بكلام قرطاس
شلا ماقالت ****
واخا صعيب الحال
إن شاء الله تتبدل الأحوال
وتبقى هاذي ذكريات وفاتت….

اترك رد

لن يتم نشر عنوان بريدك الإلكتروني.