منار الإسلام
موقع تربوي تعليمي أكاديمي

حكم الربا

حكم الربا / طه رضوان

0

حكم الربا

بقلم: طه رضوان

والله عارفين كلنا
ومن ييجي 100 مليون سنة
وقاريينه في كتاب ربنا
إن اللي ياخد م البنوك
قرض بفوايد
يبقى ده اسمه ربا
من غير مواربة وطبطبة
فعلا ربا
طب ليه الغبا؟
ونسمع كلام حبة طواقي
مرصوصين ع المصطبة
ونفس اللي قالوا عليه حرام
رجعوا وقالوا ده حلال
دي ظروف غريبة
ومسغبة

بحلف برب العالمين
واسمعوا يا موحدين
كل اللي عايشين بالربا
مش مرتاحين
مش مستورين
والله دايما مذلولين
والعيشة بينهم مرعبة
قهر وفساد
مرض الولاد
ذل وعناد
والبركة تاهت
من زمان متغيبة
والمولى أعلن حربه
على أهل الربا
طب ليه تخالفوا ربكم
وتآمنوا ليه بعدوكم
ده سفيه وغاوي يذلكم
وينشر ما بينكم كلكم
أسوأ وبا

فمتسمعوش
لوساوس الفجار
ومتشتروش
مهما يحاولوا بخبثهم
شهادة استثمار
فيها انهيار
فيها الدمار
وأديكوا شفتوا في القناة
خبث الحمار
لما جمعها منكم
وبعد شهر يا مخدوعين
رفع الدولار
ولا طولتوا منه باليمين
ولا باليسار
وبكل خسة قال لكم
في العش قاعدة أمكم
والعش طار

فوقوا
يا أهل السنة والقرآن
فوقوا
يا أحفاد الصحابة الطيبين
وارجعوا لأحكام زمان
أحكام فرضها الحق
في القرآن
وربك لما بيقول ده حلال
يعني الأمان
ولما يقول على ده حرام
يبقى الهدف
خير برضو للإنسان
واوعوا يا عالم تسمعوا
لكلمة شيطان
يبقى ارجعوا
وقاطعوا الربا
علشان تعود بركة زمان
وياريت تفوقوا
قبل ما يفوت الأوان
وياريت تفوقوا
قبل ما يفوت الأوان

 

اترك رد

لن يتم نشر عنوان بريدك الإلكتروني.