منار الإسلام
موقع تربوي تعليمي أكاديمي

زجـــل: بْلادي

عبد القادر الدحمني / زجـــل: بْلادي

0

زجـــل: بْلادي

عبد القادر الدحمني

بْلاَدي
وْالْحُبْ السَّاكْنْ فْالضْلُوعْ
في الاْرْواحْ العاشْقَة الرَّفْرَافَه

بْلادي
بْلادْ العزْ والصْفا
الأصْلْ والْحْيا والظْرافَه

شْلُوحْ وْغَرْبَاوَه
وْجْبالَة فْ كْتَافَه

المزيد من المشاركات
1 من 85

صْحْراوَة وْسْواسَة وْرْيافَه
النّْخْوَة وْالتَّقْوَى
الزِّينْ وْالْعْقَلْ وْالْحْصَافَه

آرَا يَا مْنْ شَافْ شْويفَة يْعْطِي اوْصَافَه
بْلَادِي كْرِيمَة وْمْضْيافَه
من الطّاجين للكْصْعَة للزْلافَة
ها البْحَرْ هَا الشْجَرْ
ها الجْبالْ هَا الْمْنْظَرْ
ها السْهولْ الخَضْرَا الوَلَّافَه

بلادي بْرْزَقْهَا
وحازُوهْ دُوكْ الخَطَّافَه

بلادي بعَزْها
ودَلُّوها الطّمّاعَه
وبهدلوها رباعةالْخَوَّافَه

عليها قلبي معلول
والعين باكية ذرّافه

آمنتْ باللهْ الحق
وْكْفَرْتْ بالظُّلْمْ والزْوَاقْ الْخَاوِي
بَبْخُورْ الْخْرَايفْ وكْلَامْ الشُّوَّافَه

بْلادي
بْلاد الخِير والأَوْلِيَّا
وكْتابْ الله في الصْدورْ مَا يتْلَالَا
والْجْنابْ تَتْوَجَّعْ
من مْحَبَّةْ سيدنا الشْفيعْ تْتْجافَى

مقالات أخرى للكاتب
1 من 8

بْلادي
بْلادْ المْحَبَّة والْوَفاَ
منها يطلعْ التُّرْياقْ
والأمَّة بدْواها تْعافَى

والصْلَا والسْلاَمْ
على زينْ الأَنْبِيَّا الحبيبْ سيدنا محمّد
تاجْ الشُّرَفَا
اللي جا من جيهتو زينْ ولطافة
والْمْضْيُومْ
مْعَاهْ مَا يْتْحَافَى

اترك رد

لن يتم نشر عنوان بريدك الإلكتروني.